More cards in this set

et fors aequatis cepissent praemia rostris, ni palmas ponto tendens utrasque Cloanthus fudissetque preces divosque in vota vocasset:

‘di, quibus imperium est pelagi, quorum aequora curro, vobis laetus ego hoc candentem in litore taurum constituam ante aras voti reus,

extaque salsos proiciam in fluctus et vina liquentia fundam.’

dixit, eumque imis sub fluctibus audiit omnis Nereidum Phorcique chorus Panopeaque virgo, et pater ipse manu magna Portunus euntem impulit:

illa Noto citius volucrique sagitta ad terram fugit et portu se condidit alto.