Maxime puer, qui primus expertus est, adnatat nanti, insilit tergo, fertur referturque, agnosci se amari putat, amat ipse; neuter timet, neuter timetur; huius fiducia, mansuetudo illius augetur.
Back
Card 18
Front
Nec non alii pueri dextra laevaque simul eunt hortantes monentesque.
Back
Card 19
Front
Ibat una - id quoque mirum - delphinus alius, tantum spectator et comes.
Back
Card 20
Front
Nihil enim simile aut faciebat aut patiebatur, sed alterum illum ducebat reducebat, ut puerum ceteri pueri.
Back
Card 21
Front
Incredibile, tam verum tamen quam priora, delphinum gestatorem collusoremque puerorum in terram quoque extrahi solitum, harenisque siccatum, ubi incaluisset in mare revolvi.
Back
Card 22
Front
Constat Octavium Avitum, legatum proconsulis, in litus educto religione prava superfudisse unguentum,
Back
Card 23
Front
cuius illum novitatem odoremque in altum refugisse, nec nisi post multos dies visum languidum et maestum, mox redditis viribus priorem lasciviam et solita ministeria repetisse.
Back
Card 24
Front
Confluebant omnes ad spectaculum magistratus, quorum adventu et mora modica res publica novis sumptibus atterebatur.
Back
Card 25
Front
Postremo locus ipse quietem suam secretumque perdebat: placuit occulte interfici, ad quod coibatur.