Nec facile quemquam nisi Verginium invenio, cuius tanta in praedicando verecundia quanta gloria ex facto.
Back
Card 7
Front
Ipse sum testis, familiariter ab eo dilectus probatusque, semel omnino me audiente provectum, ut de rebus suis hoc unum referret, ita secum aliquando Cluvium locutum:
Back
Card 8
Front
"Scis, Vergini, quae historiae fides debeatur; proinde si quid in historiis meis legis aliter ac velis, rogo ignoscas."
Back
Card 9
Front
Ad hoc ille: "Tune, Cluvi, ignoras, ideo me fecisse, quod feci, ut esset liberum vobis scribere, quae libuisset?"
Back
Card 10
Front
Age dum, hunc ipsum Frontinum in hoc ipso, in quo tibi parcior videtur et pressior, comparemus.
Back
Card 11
Front
Vetuit exstrui monumentum; sed quibus verbis? "Impensa monumenti supervacua est; memoria nostri durabit, si vita meruimus."
Back
Card 12
Front
An restrictius arbitraris per orbem terrarum legendum dare duraturam memoriam suam, quam uno in loco duobus versiculis signare, quod feceris?
Back
Card 13
Front
Quamquam non habeo propositum illum reprehendendi, sed hunc tuendi; cuius quae potest apud te iustior esse defensio quam ex collatione eius, quem praetulisti?
Back
Card 14
Front
Meo quidem iudicio neuter culpandus, quorum uterque ad gloriam pari cupiditate, diverso itinere contendit, alter, dum expetit debitos titulos; alter, dum mavult videri contempsisse. Vale.