Virgil Aenied Book II English and Latin

?
  • Created by: Rachael
  • Created on: 18-06-11 12:09

Virgil – The Aeneid Book II

 GCSE Latin Prescription 2011

Virgil Aeneid Book II

tempus erat quo prima quies mortalibus aegris
incipit et dono divum gratissima serpit.
in somnis, ecce, ante oculos maestissimus Hector                270
visus adesse mihi largosque effundere fletus,
raptatus bigis ut quondam, aterque cruento
pulvere perque pedes traiectus lora tumentis.
ei mihi, qualis erat, quantum mutatus ab illo
Hectore qui redit exuuias indutus Achilli                                           275
vel Danaum Phrygios iaculatus puppibus ignis!
squalentem barbam et concretos sanguine crinis
vulneraque illa gerens, quae circum plurima muros
accepit patrios. ultro flens ipse videbar
compellare virum et maestas expromere uoces:                  280

diverso interea miscentur moenia luctu,
et magis atque magis, quamquam secreta parentis
Anchisae domus arboribusque obtecta recessit,                    300
clarescunt sonitus armorumque ingruit horror.                          

excutior somno et summi fastigia tecti
ascensu supero atque arrectis auribus asto:
in segetem veluti cum flamma furentibus Austris
incidit, aut rapidus montano flumine torrens                                    305
sternit agros, sternit sata laeta boumque labores
praecipitisque trahit siluas; stupet inscius alto
accipiens sonitum saxi de vertice pastor.
tum uero manifesta fides, Danaumque patescunt
insidiae. iam Deiphobi dedit ampla ruinam                                       310
Volcano superante domus, iam proximus ardet
Vcalegon; Sigea igni freta lata relucent.
exoritur clamorque virum clangorque tubarum.                              

arma amens capio; nec sat rationis in armis,
sed glomerare manum bello et concurrere in arcem                       315
cum sociis ardent animi; furor iraque mentem
praecipitat, pulchrumque mori succurrit in armis.

tum vero omne mihi uisum considere in ignis
Ilium et ex imo verti Neptunia Troia:                                                 625
ac veluti summis antiquam in montibus ornum
cum ferro accisam crebrisque bipennibus instant
eruere agricolae certatim, illa usque minatur
et tremefacta comam concusso uertice nutat,
vulneribus donec paulatim euicta supremum                                    630
congemuit traxitque iugis auulsa ruinam.                                    

descendo ac ducente deo flammam inter et hostis
expedior: dant tela locum flammaeque recedunt.                            

atque ubi iam patriae peruentum ad limina sedis
antiquasque domos, genitor, quem tollere in altos                           635
optabam primum montis primumque petebam,
abnegat excisa vitam producere Troia
exsiliumque pati. 'vos o, quibus integer aeui
sanguis,' ait, 'solidaeque suo stant robore vires,
vos agitate fugam.                                                                                          640     

me si caelicolae uoluissent ducere uitam,
has mihi seruassent sedes. satis una superque
uidimus excidia et captae superauimus urbi.
sic o sic positum adfati discedite corpus.
ipse manu mortem inueniam; miserebitur hostis                  645
exuuiasque petet. facilis iactura sepulcri.
iam pridem inuisus diuis et inutilis annos
demoror, ex quo me diuum pater atque hominum rex
fulminis adflauit uentis et contigit igni.'

talia perstabat memorans fixusque manebat.                                   650
nos contra effusi lacrimis coniunxque Creusa
Ascaniusque omnisque domus, ne uertere secum
cuncta pater fatoque urgenti incumbere uellet.
abnegat inceptoque et sedibus haeret in isdem.

hinc ferro accingor rursus clipeoque sinistram
insertabam aptans meque extra tecta ferebam.                               

ecce autem complexa pedes in limine coniunx
haerebat, paruumque patri tendebat Iulum:
'si periturus abis, et nos **** in omnia tecum;                                  675
sin aliquam expertus sumptis spem ponis in armis,
hanc primum tutare domum. cui paruus Iulus,
cui pater

Comments

Ryan

Report

Thank Jesus, i'll have great craic with this. Cheers Rachael

JennyCCCC

Report

Thank You!! ***

Jessica

Report

This is brilliant! Thanks! 

Rei 000

Report

Thank you for this! You really saved me! :-D

Toby Jackson

Report

Thanks much, you may just have saved my sorry rear...

razvana

Report

Thank you, life saver!